महत्त्वपूर्ण:

नेपाल सरकारद्वारा घोषित लकडाउन थपिएको कारण काठमाडौं, विराटनगर, वीरगन्ज, पोखरा, भैरहवा र नारायणगढका राहदानी तथा कागजात वितरण केन्द्रहरू जून २, २०२० सम्म बन्द रहनेछन्। नेपालका लागि कल सेन्टर मे ३१, २०२० सम्म बन्द रहनेछ, टोल फ्री नम्बर +१८०० ०९१० ११४ र टोल नम्बर +९११२४४८८२६३० यस अवधिमा उपलब्ध हुनेछैन। ग्राहक सेवा प्रतिनिधिसम्म पुग्न, कृपया support-nepal@ustraveldocs.com मा ईमेल लेख्नुहोस्।अमेरिकी भिसा शुल्क संकलन केन्द्रहरू सीमित समयको लागि मात्र खुला रहनेछन्। अनलाइन भुक्तानी प्रक्रिया भने सधैं जस्तै काम गर्नेछ।


गत अप्रिल २२ मा राष्ट्रपति ट्रम्पले कोभिड-१९ प्रकोपपछिको आर्थिक पुनर्लाभका क्रममा अमेरिकी श्रम बजारमा जोखिम प्रस्तुत गर्न सक्ने केही निश्चित आप्रवासीको अमेरिका प्रवेश निलम्बन गर्ने घोषणामा हस्ताक्षर गरेका छन् । उक्त घोषणा अप्रिल २३ तारिख रातको ११:५९ बजे (EDT) देखि लागु भई, राष्‍ट्रपतिबाट जारी राख्‍ने निर्णय नभएका खण्डमा ६० दिनमा समाप्त हुनेछ । अमेरिकी नागरिक, वैध स्थायी बासिन्दा, र यस घोषणा कायम रहेका मितिमा मान्य आप्रवासी भिसा भएकाहरूलाई यो घोषणा लागु हुनेछैन । म्याद बाँकी रहेका कुनै पनि भिसा यस घोषणा अन्तर्गत खारेज हुनेछैन । नियमित भिसा सेवाहरू अमेरिकी पोस्टहरूमा विश्वव्यापी रूपमा निलम्बन गरिएका छन् तर स्रोतसाधनले भ्याएसम्म राष्ट्रपतिको यस घोषणा लागु नहुने आवेदकहरूका लागि दूतावास तथा वाणिज्य दूतावासहरूले आपतकालीन र नियोगलाई अपरिहार्य भिसा सेवाहरू जारी राख्‍नेछन् । राष्‍ट्रपतिको यस घोषणाको पूर्णपाठ व्हाइट हाउसको वेबसाइटमा यहाँ उपलब्ध छ: https://www.whitehouse.gov/presidential-actions/proclamation-suspending-entry-immigrants-present-risk-u-s-labor-market-economic-recovery-following-covid-19-outbreak/


भिसा आवेदकहरूका लागि नोबेल कोरोनाभाइरससम्बन्धी सूचना : मार्च १७, २०२० का दिन देखि संयुक्त राज्य अमेरिकी दूतावास, काठमाडौं, नेपालले डाइभर्सटी भिसा र गैर-आप्रवासी भिसाका सबै नियमित अपोइन्टमेन्ट रद्द गरेको छ । मार्च २३, २०२० देखि अमेरिकी दूतावासले सबै नियमित आप्रवासी भिसा अपोइन्टमेन्टहरू पनि रद्द गर्दैछ। हामी जति सक्दो चाँडो नियमित भिसा सेवाहरू पुनः सुरु गर्नेछौं तर यस अवधिमा कुनै निश्‍चित मिति प्रदान गर्न असक्षम छौं। भुक्‍तान गरिएको एम. आर. भी. शुल्क, जुन देशमा भुक्‍तान गरिएको हो त्यहाँ भुक्‍तानी मितिदेखि एक वर्ष भित्रमा भिसा आवेदनका लागि प्रयोग गर्न सकिनेछ। यदि तपाईंलाई अति आवश्यक कारणबस तुरुन्तै यात्रा गर्नु आवश्यक छ भने, कृपया आपतकालीन अपोइन्टमेन्ट अनुरोध गर्नको लागि "शीघ्र अपोइन्टमेन्टका लागि आवेदन गर्नुहोस्" मा उपलब्ध गराईएको निर्देशन अनुसरण गर्नुहोस्।


नोबल कोरोनाभाइरस सम्बन्धी भिसा आवेदकहरूको लागि तत्काल जानकारी:राष्ट्रपति घोषणापत्र ९९८४, ९९९२, ९९९३ र त्यसपछि मार्च १४, २०२० मा जारी गरिएको घोषणा अनुसार, संयुक्त राज्य अमेरिकामा प्रवेश गर्नु भन्दा अघि १४ दिन भित्र निम्नलिखित देशहरूमा शारीरिक रूपमा उपस्थित रहेका विदेशी नागरिकहरूको प्रवेश निलम्बित गरिएको छ।

  • संयुक्त राज्य ब्रिटेन, उत्तरी आयरल्याण्ड र यूरोप बाहिरको शाशित क्षेत्रहरु बाहेक;
  • आयरल्याण्ड गणतन्त्र;
  • शेन्जेन क्षेत्रमा समावेश हुने २६ देशहरू (अष्ट्रिया, बेल्जियम, चेक गणराज्य, डेनमार्क, एस्टोनिया, फिनल्यान्ड, फ्रान्स, जर्मनी, ग्रीस, हंगेरी, आइसल्यान्ड, इटाली, लाटभिया, लिच्टेनस्टेन, लिथुआनिया, लक्जमबर्ग, माल्टा, नेदरल्याण्ड, नर्वे, पोल्याण्ड, पोर्चुगल, स्लोभाकिया, स्लोभेनिया, स्पेन, स्विडेन, र स्विजरल्याण्ड)
  • इस्लामी गणतन्त्र ईरान;
  • जन गणतन्त्र चीन, हंगकंग र मकाउको विशेष प्रशासकीय क्षेत्रहरू बाहेक
यस प्रवेश निलम्बनका केहि अपवादहरु छन् जसमा अमेरिकी कानूनी स्थायी बासिन्दाहरू र अमेरिकी नागरिकहरूका केही खास परिवारका सदस्यहरू र कानुनी स्थायी बासिन्दाहरू सहित घोषणाहरुमा अन्य अपवादहरु छन्। यदि तपाईं चीन, इरान, वा शेन्जेन जोन (जुन, घोषणाको उद्देश्य भित्र पर्ने,  अष्ट्रिया, बेल्जियम, चेक गणतन्त्र, डेनमार्क, एस्टोनिया, फिनल्याण्ड, फ्रान्स, जर्मनी, ग्रीस, हंगेरी, आइसल्याण्ड, इटाली, लाटभिया, लिक्टेनस्टीन, लिथुआनिया, लक्जमबर्ग, माल्टा, नेदरल्याण्ड, नर्वे, पोल्याण्ड, पोर्तुगाल, स्लोभाकिया, स्लोभेनिया,  स्पेन, स्विडेन, र स्विजरल्याण्ड) मा बसोबास गर्नुहुन्छ वा, हालसालै यात्रा गर्नुभएको थियो , वा यी देशमा ट्रान्जिट पारेर यात्रा गर्न चाहनु हुन्छ भने संयुक्त राज्य अमेरिकामा तपाईंको योजनाबद यात्रा अघि, हामी तपाईले आफ्नो भिसा अन्तर्वार्ताको मिति १४ दिन पछाडि सार्न र माथि उल्लिखित देशहरूबाट प्रस्थान गर्ने योजना स्थगित गर्न सल्लाह दिन्छौं ।साथै यदि तपाईं फ्लूका लक्षणहरूको अनुभव गर्दै हुनुहुन्छ वा नोबल कोरोनाभाइरसले संक्रमित भएको वा हुनसक्ने आशंकामा हुनुहुन्छ भने, तपाईंलाई आफ्नो अन्तर्वाताको मिति कम्तिमा १४ दिन पछाडी सार्न सशक्तरूपमा प्रोत्साहित गरिन्छ । अन्तर्वार्ताको मिति परिवर्तन गर्नका लागि शुल्क लाग्ने छैन र भिसा आवेदन शुल्क जुन देशमा तिर्नुभएको थियो त्यहाँ एक वर्षको लागि मान्य हुनेछ । कन्सुलर अपोइन्टमेन्ट पुन: सेड्युल गर्नेबारे प्रश्‍नहरूको लागि वा विशिष्‍ट मार्गदर्शनको लागि कृपया support-nepal@ustraveldocs.com मा  सम्पर्क गर्नुहोस् ।
सन २०२०, जनवरी ३१ का दिन नयाँ राष्ट्रपति घोषणा ("राष्ट्रपति घोषणा ९९८३") जारी गरियो जसमा पी . पी . ९६४५ को चलिरहेको प्रतिबन्धमा थप ६ वटा देशका नागरिकहरूमा प्रतिबन्ध विस्तार गर्यो । प्रतिबन्धहरू आप्रवासी भिसा र / वा डाइभर्सटी भिसामा लागू हुनेछ, गैर-आप्रवासी भिसा लागू हुनेछैन। अधिक जानकारी यस लिंकमा उपलब्ध छ ।
सूचना: कन्सुलर बिनिमयदर नियमित चलिआएको दरको आधारमा संशोधन गरिन्छ ।  भुक्तानी गर्नु अघि कृपया आफ्नो डिपोजीट पृष्टमा देखिएको भिसा शुल्क हालको भिसा शुल्क पृष्टको क्युलर बिनिमयदरसँग मेल खाए वा नखाएको हेर्नुहोस् ।
Mount Rushmore - South Dakota

नेपालका लागि अमेरिकी भिसा सूचना सेवामा स्वागत छ। यस साइटमा अमेरिकी आप्रवासी र गैर आप्रवासी भिसा बारे तथा भिसा आवेदन सम्बन्धि आवश्यक जानकारी उपलब्ध छ। तपाईँले आफ्नो भिसा शुल्क कसरी तिर्ने र अमेरिकी दूतावास काठमाडौं, नेपालमा भिसा अन्तर्वाताका लागि मिति तय गर्ने सम्बन्धि जानकारी पनि पाउनु हुनेछ।

यो नेपालमा अमेरिकी मिशन को आधिकारिक भिषा जानकारी वेबसाइट हो।

गैर-आप्रवासी भिसासम्बन्धी जानकारी


गैर आप्रवासी भिसा आवेदन


आप्रवासी भिसा जानकारी