10-р сарын 25-ны өдөр Ерөнхийлөгч Байден “КОВИД-19 цар тахлын үед олон улсын аялал жуулчлалыг аюулгүйгээр, энгийн горимд шилжүүлэх тухай зарлиг”-ийг шинээр баталсан. 2021 оны 11-р сарын 8-ны өдрийн 12:01 (Америкийн зүүн бүсийн стандарт) цагаас хүчин төгөлдөр мөрдөгдөж эхэлсэн уг зарлигтай холбоотойгоор өмнө нь батлагдсан Бразил, Хятад, Энэтхэг, Иран, Ирланд, Шенгений бүс, Өмнөд Африк, Их Британи улсуудад биечлэн байгаа иргэдийг АНУ-д нэвтрэхийг түдгэлзүүлсэн 9984, 9992, 10143, 10199 тоот Ерөнхийлөгчийн зарлигууд цуцлагдсан. Шинээр батлагдсан уг Ерөнхийлөгчийн зарлигийн дагуу насанд хүрсэн гадаадын бүх зорчигчдыг вакцинд хамрагдсан байхыг шаардаж байна. Олон улсад мөрдөгдөж буй вакцинжуулалтын шаардлага болон хүмүүнлэгийн асуудлаар вакцинд хамрагдаагүй, вакцинаас чөлөөлөгдсөн иргэдийн талаарх дэлгэрэнгүй мэдээллийг АНУ-ын Өвчлөл хянах, урьдчилан сэргийлэх төвийн хуудаснаас авна уу.



“КОВИД-19 өвчний дэгдэлтийн дараах эдийн засгийг сэргээхэд AHУ-ын хөдөлмөрийн зах зээлд эрсдэл учруулж болзошгүй цагаачдыг АНУ-д нэвтрэхийг хориглосон” тухай Ерөнхийлөгчийн 10014 тоот зарлигийг 2021 оны 2 сарын 24-ний өдөр Ерөнхийлөгч Байден цуцалсан. Уг хоригт хамааралтай цагаачлалын виз мэдүүлэгчид зааврыг эндээс авна уу.


H-1B, H-2B, J (солилцооны хөтөлбөрийн хүрээний тодорхой ангиллууд) болон L ангиллын цагаачлалын бус виз мэдүүлэгчдийг АНУ-д нэвтрэхийг хориглож байсан Ерөнхийлөгчийн 10052 тоот зарлиг 2021 оны 3-р сарын 31-ний өдрөөр хүчингүй болсон. Ярилцлаганд ороогүй эсвэл ярилцлага нь товлогдоогүй байгаа виз мэдүүлэгчдийг тодорхой дарааллаар эрэмбэлж, холбогдох удирдамжийн дагуу үе шаттайгаар визийн үйлчилгээг сэргээнэ. Ерөнхийлөгчийн 10052 зарлигийн хоригийн улмаас өмнө нь татгалзсан хариу авсан виз мэдүүлэгчид шинээр визийн хураамж төлөн дахин виз мэдүүлэх боломжтой.


2021 оны 1 сарын 20-ны өдөр АНУ-ын Ерөнхийлөгч Байден “АНУ-д Нэвтрэхэд Ялгаварлан Гадуурхах Хоригийг Цуцлах” тухай зарлигт гарын үсэг зурсан. Энэ зарлиг нь Ерөнхийлөгчийн 9645 болон 9983 зарлиг буюу АНУ-д зарим улс тухайлбал Мьянмар, Эритрей, Иран, Бүгд Найрамдах Киргиз Улс, Ливи, Нигери, Хойд Солонгос, Сомали, Судан, Танзани, Венесуэл болон Йемений иргэдийг визийн ангилал дээр үндэслэсэн нэвтрэх хоригийг хүчингүй болгож байна. Дэлгэрэнгүй мэдээллийг эндээс авна уу.


1-р сарын 26-наас эхлэн АНУ-д нэвтэрч буй бүх агаарын тээврийн зорчигчид нислэг хөөрөхөөс өмнө 72 цагийн дотор өгсөн КОВИД19-ын шинжилгээний сөрөг хариуг (тухайн улсын эрх бүхий байгууллагаас зөвшөөрөгдсөн SARS-CoV-2 вирус илрүүлэх шинжилгээ) үзүүлэх шаардлагатай гэж Өвчний Хяналт болон Урьдчилсан Сэргийлэх Төв (CDC) мэдэгдлээ. Авиа компани нь зорчигчдыг суулгахаас өмнө шинжилгээний сөрөг хариуг баталгаажуулах зайлшгүй шаардлагатай юм. Хэрэв зорчигчид шинжилгээний сөрөг хариу эсвэл эдгэсэн гэсэн нотлох бичгийг үзүүлэхгүй бол авиа компани нь онгоцонд нэвтрүүлэхгүй байх үүрэгтэй. Энэ шаардлага нь виз мэдүүлэх үйл явцаас тусдаа болохыг анхаарна уу. АНУ-ын Ерөнхийлөгчийн КОВИД19-тэй холбоотой аяллын хязгаарлалт бүхий бүх зарлигууд хүчин төгөлдөр хэвээр бөгөөд шинжилгээний хариу болон вакцин хийлгэсэн эсэхээс үл хамааран бүх зорчигчдод үйлчилнэ. National Interest Exception буюу Улсын Ашиг Сонирхлын дагуу үл хамааруулах тэмдэглэлтэй зорчигчдод дээрх нисэхээс өмнөх шинжилгээний шаардлагууд мөн хүчин төгөлдөр үйлчилнэ. Шинжилгээний шаардлагаас чөлөөлөгдөх тухай дэлгэрэнгүй мэдээллийг энд дарж авна уу.


Монгол Улсад суугаа Америкийн Нэгдсэн улсын Элчин сайдын яамны зүгээс олон тооны виз мэдүүлэгчид визийн хураамж төлсөн хэдий ч ярилцлагын цагаа товлохоо хүлээж байгааг ойлгож байна. ЭСЯ нь визийн бүх үйлчилгээг энгийн горимд аюулгүй, түргэн шуурхай хүргэхээр хичээнгүйлэн зорьж байна. ЭСЯ-ны Консулын үйлчилгээ зогссоны улмаас ярилцлагын цаг товлох боломжгүй үлдсэн виз мэдүүлэгчдэд цаг товлох нөхцөлийг бүрдүүлэхийн тулд визийн хураамж (MRV)-ийн хүчинтэй хугацааг 2022 оны 9 сарын 30 хүртэл сунгаж байна. Визийн үйлчилгээ энгийн горимд шилжих тухай шинэ мэдээ мэдээллийг ЭСЯ-ны цахим хуудаснаас тухай бүрд нь харна уу.


Улаанбаатар дахь АНУ-ын Элчин сайдын яамны Консулын хэлтэс оюутны (F-1/M-1), солилцооны зорчигчийн (J-1) болон өргөдөл дээр тулгуурласан ажлын ангиллын цагаачлалын бус визийн үйлчилгээ үзүүлж байна. Консулын хэлтэс визийн ердийн үйлчилгээг урьдчилсан байдлаар 2022 оны 1 дүгээр сараас эхэлнэ гэж үзэж бизнес/жуулчны (B1/B2) ангиллын цагийг уг сараас эхлэн нээсэн. Виз мэдүүлэгчид ярилцлага хүлээх хугацаа болон ярилцлага товлох холбоосоор нэвтрэн мэдээлэл авах боломжтой. КОВИД-19 өвчний нөхцөл байдалтай холбоотойгоор ярилцлагын тов цуцлагдах эсвэл өөрчлөгдөх магадлалтайг анхаарна уу.

Хэрэв та АНУ руу яаралтай зорчих шалтгаантай бол яаралтай цаг товлох. шалгууртай танилцаж, таны зорчих шалтгаан тавигдах шаардлагад нийцсэн тохиолдолд хүсэлт илгээх боломжтой.


Ерөнхийлөгчийн 9984, 9992, 10143 болон 4-р сарын 30-ны өдөр гаргасан зарлигийн дагуу АНУ-д нэвтрэхээс 14 хоногийн өмнө дараах улс орнуудад зорчсон гадаад иргэдийг нэвтрүүлэхийг хориглоно:

- Энэтхэг (зөвхөн цагаачлалын бус иргэдэд хамаарна);

- Өмнөд Африк;

- Бразил;

- Их Британи Умард Ирландын Нэгдсэн Вант Улс, үүнд Европоос тусдаа улс орнууд орохгүй;

- Бүгд Найрамдах Ирланд Улс;

- Шенгений бүс нутгийн 26 орон (Австри, Бельги, Чех, Дани, Эстони, Финлянд, Франц, Герман, Грек, Унгар, Исланд, Итали, Латви, Лихтенштейн, Литва, Люксембург, Мальта, Нидерланд, Норвеги, Польш, Португал, Словак, Словени, Испани, Швед, Швейцарь)

- Исламын Бүгд Найрамдах Иран Улс;

- Бүгд Найрамдах Хятад Ард Улс, үүнд Хонконг, Макаогийн засаг захиргааны тусгай бүс ороогүй болно.

Уг зарлигуудад онцгой хэдэн тохиолдлуудыг заасан бөгөөд үүний дотор АНУ-ын хууль ёсны оршин суугч, АНУ-ын иргэн болон хууль ёсоор оршин суух иргэдийн гэр бүлийн зарим гишүүд зэрэг нь дээрх заалтад хамаарахгүй болно. Хэрэв та Америкийн Нэгдсэн Улсад ирэхээс өмнө дээр нэр дурдсан улс орнуудаар аялсан, оршин суусан эсвэл дамжин өнгөрөх буюу аялахаар төлөвлөж байгаа бол тухайн улсыг орхиж гарснаас визийн ярилцлагын хугацаагаа 14 хоногоор хойшлуулахыг зөвлөж байна. Түүнчлэн, хэрэв танд томуу төст өвчний шинж тэмдэг илэрсэн эсвэл та шинэ төрлийн коронавирус туссан байх магадлалтай гэж үзэж байгаа бол ярилцлагын цагаа доод тал нь 14 хоногоор хойшлуулахыг зөвлөж байна. Дэлгэрэнгүй мэдээллийг эндээс авна уу.


Mount Rushmore, South Dakota

АНУ-ын визийн мэдээллийн үйлчилгээ авна уу. АНУ руу зорчих визийн талаарх мэдээллийн мэдээллийн санд тавтай морилно уу. Энэ вебсайтаас та АНУ руу зорчих цагаачлалын болон цагаачлалын бус визүүд тэдгээрийн шалгууруудын талаарх мэдээллийг олж авна. Түүнчлэн визийн мэдүүлгийн хураамж хэрхэн төлөх, Улаанбаатар дахь АНУ-ын Элчин сайдын яаманд мэдүүлэх визийн ярилцлагын цаг хэрхэн товлох талаар мэдэж авна.

Энэ бол Монгол Улс дахь АНУ-ын Элчин сайдын яамны визийн мэдээллийн албан ёсны вебсайт.